ភ្នំពេញ: ក្រសួងប្រៃសណីយ៍ និងទូរគមនាគមន៍នៅកម្ពុជា និងក្រសួងសុខាភិបាលបានរិះគន់របាយការណ៍ចុងសប្តាហ៍ចេញដោយសារព័ត៌មាន Asia Times ដែលបានអះអាងថាប្រទេសចិនកំពុងប្រើប្រាស់ QR Code បញ្ឈប់កូវីដរបស់កម្ពុជាដើម្បីស៊ើបការណ៍។ រឿងនេះត្រូវបានគេបដិសេធថាជា “ ការប្រឌិត” ដែលកំពុងព្យាយាមញុះញង់ឱ្យមានភាពតានតឹងក្នុងសង្គម។

រាជរដ្ឋាភិបាលកម្ពុជាបាននិយាយថា ព័ត៌មានក្លែងក្លាយនេះជាព័ត៌មានមិនត្រឹមត្រូវដែលរាប់បញ្ចូលទាំងការអះអាងថា ប្រទេសចិនគាបសង្កត់កម្ពុជា ដើម្បីទទួលបានទិន្នន័យ ក្នុងប្រព័ន្ធទប់ស្កាត់កូវីដ។

ក្រសួងប្រៃសណីយ៍ និងទូរគមនាគមន៍កម្ពុជាមានប្រសាសន៍ថា អត្ថបទនេះបានប្រឌិតទាំងស្រុងនូវការអះអាងថា ឯកអគ្គរដ្ឋទូតចិនប្រចាំនៅកម្ពុជាលោក Wang Wentian បានជួបជាមួយមន្ត្រីកម្ពុជា ដើម្បីស្នើសុំទិន្នន័យឯកជនរបស់ប្រជាពលរដ្ឋតាមរយៈលេខកូដ QR “បញ្ឈប់កូវីដ”។ រួមជាមួយគ្នានេះដែរក្រសួងសុខាភិបាលក៏បានបដិសេធវិញថា ខ្លួនមិនដែលបានជួប ឬទទួលសំណើរស្នើសុំទិន្នន័យពីប្រព័ន្ធ QR ពីឯកអគ្គរដ្ឋទូតចិននោះទេ។

ប្រព័ន្ធ QR "បញ្ឈប់កូវីដ" ត្រូវបានណែនាំឱ្យប្រើប្រាស់បន្ទាប់ពីមាន “ព្រឹត្តិការណ៍សហគមន៍ ២០កុម្ភៈ” កើតឡើងដើម្បីជួយដល់ការទំនាកទំនង និងការពារការរីករាលដាលនៃជំងឺកូវីដ-១៩ ។

ក្រសួងប្រៃសណីយ៍ និងទូរគមនាគមន៍ទាំងពីរបានអំពាវនាវដល់ប្រជាជនកុំអោយចែកចាយព័ត៌មានមិនពិតទាក់ទងនឹង QR កូដហើយត្រូវជឿជាក់ថា ព័ត៌មានដែលរាជរដ្ឋាភិបាលកំពុងណែនាំឱ្យអនុវត្តត្រូវបានប្រើប្រាស់ប្រកបដោយទំនួលខុសត្រូវក្នុងការប្រយុទ្ធប្រឆាំងនឹងជំងឺរាតត្បាតក៏ដូចជាការទប់ស្កាត់ការឆ្លងរាលដាលនៃប្រទេស៕